दि.१.०४.२०२३
गडचिरोली : पोलिस-नक्षल चकमकीत एका नक्षल्याचा खात्मा
विदर्भ न्यूज इंडिया
गडचिरोली : पोलिस व नक्षल्यांमध्ये उडालेल्या naxal encounter चकमकीत एका नक्षल्याचा खात्मा करण्यात गडचिरोली पोलिस दलाला मोठे यश प्राप्त झाले आहे. एटापल्ली तालुक्यातील जांबिया गट्टा पोलिस मदत केंद्राअंतर्गत येणार्‍या मुसपर्शी जंगल परिसरात आज, 1 एप्रिल रोजी सकाळी 10 वाजताच्या दरम्यान सी-60 पोलिस जवान नक्षलविरोधी शोध मोहीम राबवित असताना दबा धरुन बसलेल्या नक्षलवाद्यांनी पोलिसांच्या दिशेने गोळीबार सुरू केला.
पोलिसांनीही प्रत्युत्तरादाखल गोळीबार सुरू केला.
या चकमकीत एका naxal encounter नक्षलवाद्याला ठार करण्यात पोलिसांना यश आले. सोबतच घटनास्थळावरुन मोठ्या प्रमाणात नक्षल साहित्य व शस्त्रसाठा जप्त करण्यात आल्याची माहिती पोलिस सुत्रांनी दिली आहे. चकमक परिसर घनदाट जंगलाने वेढलेला असल्याने त्या ठिकाणी संपर्क साधण्यास अडचण निर्माण होत असून, अजूनही चकमक सुरू असून सर्चिंग ऑपरेशन अधिक तीव्र करण्यात आले आहे.
