दि.०७.०६.२०२३
Education : केंद्रप्रमुख पदासाठी आता ऑनलाईन स्पर्धा परीक्षा होणार...
विदर्भ न्यूज इंडिया
मुंबई : राज्यातील सर्व जिल्हा परिषदेतील प्राथमिक शिक्षकांना आता केंद्रप्रमुख पदावर विभागीय मर्यादित स्पर्धा परीक्षेद्वारे नियुक्ती देण्यात येणार आहे.
यासाठी जून २०२३ च्या शेवटच्या आठवड्यात 'केंद्रप्रमुख विभागीय मर्यादित स्पर्धा परीक्षा - २०२३' या परीक्षेचे ऑनलाईन पद्धतीने आयोजन करण्यात येणार आहे.
त्यासाठी पात्र उमेदवारांकडून ऑनलाईन प्रणालीद्वारे दि. १५ जून २०२३ पर्यंत अर्ज मागविण्यात आले आहेत. या परीक्षेचे माध्यम, अभ्यासक्रम, पात्रता, अर्ज करण्याची कार्यपद्धती व कालावधी याबाबतची अधिसूचना महाराष्ट्र राज्य परीक्षा परिषदेच्या www.mscepune.in या संकेतस्थळावर उपलब्ध आहे, असे महाराष्ट्र राज्य परीक्षा परिषद, पुणे आयुक्त शैलजा दराडे यांनी प्रसिद्धीस दिलेल्या पत्रकान्वये कळविले आहे.
