दि. ३१.०७.२०२३
आ. डॉ. देवरावजी होळी यांच्या अध्यक्षतेखाली बांबू कटाई व्यवस्थापन संदर्भातील समितीची बैठक संपन्न..
पुढच्या पिढीलाही जिल्ह्यातील वनसंपदा (बांबु ) कायम राहील याची काळजी घेण्यासाठी समिती
- आमदार डॉ. देवरावजी होळी
विदर्भ न्यूज इंडिया
गडचिरोली : आमदार डॉक्टर देवरावजी होळी यांच्या अध्यक्षतेखाली बैठक तर समितीचे सहअध्यक्ष आमदार कृष्णाजी गजबे यांचीही उपस्थिती.
विधानसभेत घोषित केलेल्या बांबू कटाई संदर्भातील समस्याबाबत नेमण्यात आलेल्या समितीची बैठक मुख्य वनसंरक्षक यांचे गडचिरोली येथील कार्यालयात संपन्न झाली.
बैठकीला समितीचे सहअध्यक्ष आमदार कृष्णाजी गजबे, आयुषि सिंह मुख्य कार्यकारी अधिकारी जिल्हा परिषद गडचिरोली, रमेश कुमार वनसंरक्षक गडचिरोली (प्रादेशिक), मिलिष शर्मा उपवनसंरक्षक गडचिरोली, शैलेश मीना उपवनसंरक्षक आलापल्ली तथा विभागीय वन अधिकारी दक्षता, गडचिरोली वनवृत्त, प्रकल्प अधिकारी एकात्मिक आदिवासी विकास प्रकल्प गडचिरोली प्रामुख्याने उपस्थित होते.
बैठकीमध्ये सामूहिक वन हक्क व पेसा अंतर्गत प्राप्त अधिकारानुसार बांबू कटाई करून स्थानिकांना शाश्वत रोजगार उपलब्ध करून देण्यासाठी आवश्यक त्या सुधारणा सुचविणे, सामूहिक वन हक्क क्षेत्राबाहेरील वनक्षेत्रात बांबूच्या जास्त कापणी बाबत आलेल्या प्रकरणांची चौकशी करणे, बांबू रोपवन कार्यक्रमात सुधारणा करणे, सामूहिक वनहक्क व्यवस्थापन योजना तयार करणे व अंमलबजावणीसाठी शिफारशी करणे या मुद्द्यांवर चर्चा करण्यात आली.
