दि. १३.०८.२०२३
Vidarbha News India
गोंडवाना विद्यापीठात हर घर तिरंगा मोहिमेअंतर्गत रॅलीचे आयोजन...
विदर्भ न्यूज इंडिया
गडचिरोली : स्वातंत्र्याचा ७५ वा आझादी का अमृत महोत्सवांतर्गत पंतप्रधान नरेंद्र मोदींनी सर्व भारवतीयांना ‘हर घर तिरंगा’ मोहिमेमध्ये सहभागी होण्याचं आवाहन केलं आहे. याच मोहीमेचा भाग म्हणून गोंडवाना विद्यापीठात हर घर तिरंगा मोहीम राबविण्यात आले.
या मोहिमेअंतर्गत रैली काढण्यात आली. यात पदव्युत्तर शैक्षणिक राष्ट्रीय सेवा योजनेच्या विद्यार्थ्यांनी हाती तिरंगा घेत व भारतमाता कि जय अशा घोषणा दिल्या. याप्रसंगी संचालक डॉ. श्याम खंडारे यांनी तिरंगा हा साऱ्या भारताचा अभिमान आहे. स्वातंत्र्यलढ्यामध्ये असंख्य देशभक्तांनी बलिदान दिले. त्यांच्याच प्रयत्नांमुळे आपला देश स्वतंत्र झाला. ‘हर घर तिरंगा’ या मोहिमेद्वारे या स्वातंत्र्यसैनिकांना आपण आदरांजली अर्पण करत आहोत असे मार्गदर्शन केले. महाराष्ट्र शासनाच्या निर्देशानुसार हा कार्यक्रम दि. १३ ते १५ ऑगस्ट २०२३ पर्यंत घेण्यात येत आहे. या उपक्रमांतर्गत सर्व विद्यार्थी व कर्मचाऱ्यांसाठी सेल्फी स्टँण्ड उभारण्यात आला आहे. विद्यार्थ्यामध्ये राष्ट्राप्रती अभिमान व प्रेम निर्माण व्हावा या उद्देशाने देशाचे पंतप्रधान नरेंद्र मोदी यांच्या मार्गदर्शनात हा उपक्रम संपूर्ण देशभर राबविला जात आहे, कार्यक्रमाचे आयोजन प्रसंगी रा.से.यो कार्यक्रम अधिकारी प्रमोद जावरे यांनी प्रस्ताविक व आभार मानले कार्यक्रमास विद्यार्थी व कर्मचारी ही उपस्थित होते.
