दि. 2 जून 2024
लोकसभा मतदारसंघाची मतमोजनी प्रक्रिया 4 जूनला; गडचिरोली शहरातील 'हा' रहदारी मार्ग बंद.!
- वाहतुक नियत्रंण अधिसुचना कोर्ट चौक ते इंदिरा गांधी चौक व शासकिय विश्राम भवन ते आय.टी.आय चौक मार्ग दिनांक 04 जुन ला रहदारीसाठी बंद.!
विदर्भ न्यूज इंडिया
गडचिरोली : जिल्ह्यातील सर्व नागरिकांना पोलीस प्रशासनाकडुन आवाहन करण्यात येत आहे की, सार्वत्रिक लोकसभा निवडणुक 2024 च्या अनुषंगाने गडचिरोली-चिमुर (12) लोकसभा मतदार संघातील मतमोजनीची प्रक्रिया दि. 4 जून 2024 रोजी कृषी महाविदयालय (अॅग्रीकल्चर कॉलेज) सोनापुर कॉम्प्लेक्स, गडचिरोली येथे पार पडणार आहे. सदर मतमोजनी चे ठिकाण गडचिरोली-चंद्रपुर राष्ट्रीय महामार्गालगत असल्यामुळे मतमोजनी प्रक्रियेदरम्यान उमेदवार व पक्षातील कार्यकर्ते मोठया संख्येने येण्याची शक्यता आहे. मतमोजनी दरम्यान सदर महामार्गावर वाहतुक कोंडी निर्माण होण्याची शक्यता आहे. त्यावर उपाययोजना म्हणुन सदर महामार्गावरील वाहतुक दि. 4 जून 2024 चे सकाळी 05.00 ते रात्री 12.00 वाजे पर्यंत बंद करण्यात येत आहेे. त्यामुळे सर्वसामान्य नागरिकांच्या रहदारीसाठी सदर मार्ग बंद राहणार आहे. याची सर्व नागरिकांनी दखल घ्यावी व कोणीही या मार्गाचा वापर करु नये.
श्व् पर्यायी वाहतुक मार्ग व्यवस्था पुढील प्रमाणे करण्यात येत आहे.
1) जड वाहने - इंदिरा गांधी चौक - चामोर्शी रोड - सेमाना देवस्थान - आंनदानगर कॉलनी– कोर्ट चौक – चंद्रपुर रोड मार्गे इच्छित स्थळी जातील
2) हलके वाहने - आय.टी.आय चौक – एल.आय.सी. चौक - मा.सी.ई.ओ. बंगला चौक- शासकिय विश्राम गृह (सर्कीट हाउस) –जिल्हा सामाण्य रुग्णालय मार्गे चंद्रपुर रोड मार्गे इच्छित स्थळी जातील
मतमोजनीसाठी येणारे उमेदवार व पक्षांचे कार्यकत्यांच्या वाहनाच्या पार्किंगची सोय जिल्हा परिषद च्या खुल्या मैदानात केलेली आहे. तरी याबाबत सर्वांनी नोंद घ्यावी.
