VNImedia:-
गोंडवाना विद्यापीठातर्फे दोन दिवसीय अमृत कला व क्रीडा महोत्सव
गडचिरोली : शिक्षकेत्तर कर्मचाऱ्यांमधील कलागुणांना वाव देऊन त्यांच्यामध्ये खेळांप्रती उत्साह निर्माण व्हावा, याकरिता गोंडवाना विद्यापीठातील शिक्षकेत्तर कर्मचारी तसेच संलग्नित अनुदानित महाविद्यालयातील ३५० शिक्षकेत्तर कर्मचारी यांच्याकरिता २६ व २७ फेब्रुवारी २०२२ ला गोंडवाना विद्यापीठ परिसरात अमृत क्रीडा व कला महोत्सव संपन्न होत आहे. या महोत्सवाचे पहिले पुष्प शनिवार दिनांक २६ फेब्रुवारी २०२२ ला सकाळी १० वाजता, विद्यापीठ परिसरात संपन्न होत आहे. कार्यक्रमाच्या अध्यक्षस्थानी गोंडवाना विद्यापीठाचे कुलगुरू डॉ. प्रशांत बोकारे, उद्घघाटक म्हणून जिल्हाधिकारी गडचिरोली संजय मीणा, प्रमुख अतिथी म्हणून अर्जुन पुरस्कार (अथलेटिक्स व पावर लिफ्टिंग) भारत सरकार विजय मुनीश्वर, गोंडवाना विद्यापीठाचे प्र-कुलगुरू श्रीराम कावळे, मुख्य समन्वयक महाराष्ट्र राज्य महाविद्यालयीन विद्यापीठीय सेवक संयुक्त कृती समिती अजय देशमुख यांची उपस्थिती राहील, अशी पत्रकार परिषदेत माहिती दिली.
याच महोत्सवाच्या दुसऱ्या पुष्पाचे उद्घाटन दिनांक २६ लाच सायंकाळी ५.०० वा होईल.
यावेळी कार्यक्रमाच्या अध्यक्षस्थानी गोंडवाना विद्यापीठाचे कुलगुरू डॉ. प्रशांत बोकारे, विशेष अतिथी म्हणून प्रसिद्ध कलावंत व नकलाकार झाडीपट्टी रंगभूमी हिरालाल पेंटर यांची उपस्थिती राहील. क्रिडा महोत्सवात क्रिकेट, व्हॉलीबॉल, रनिंग, फास्ट वॉकिंग, कबड्डी, कॅरम, बुद्धिबळ, संगीत खुर्ची, खो-खो अशा विविध सांधिक स्पर्धा तर कला महोत्सवात समूहगीत एकल गीत, समूह नृत्य नाटिका मिमिक्री या स्पर्धा होणार आहेत.
या महोत्सवाचा समारोप व बक्षीस वितरण समारंभ दिनांक २७ फेब्रुवारी ला सायंकाळी ५.०० वाजता पार पडणार आहे. अध्यक्षस्थानी गोंडवाना विद्यापीठाचे कुलगुरू डॉ प्रशांत बोकारे, बक्षीस वितरण पोलीस अधिक्षक गडचिरोली अंकित गोयल, विशेष अतिथी म्हणून क्रिकेट खेळाडू विदर्भ रणजी संघ रोहित दत्तात्रय प्र-कुलगुरू डॉ. श्रीराम कावळे राहतील. संचालक, क्रीडा व शारीरिक शिक्षण डॉ. अनिता लोखंडे, संचालक, विद्यार्थी विकास डॉ. शैलेंद्र देव हे या महोत्सवाचे संयोजक आहेत. या महोत्सवाचा लाभ घेण्याचे आवाहन कुलसचिव डॉ. अनिल झेड. चिताडे यांनी केले आहे.
