VNI :-
आपल्या समस्या सोडवण्यासाठी आमसभेला आवर्जून उपस्थित राहावे : आमदार डॉ. देवराव होळी
- २८ एप्रिल रोजी आमदार डॉक्टर देवराव होळी यांच्या अध्यक्षतेखाली धानोरा तालुक्याची वार्षिक आमसभा
- आपल्या समस्यांचे लेखी निवेदन घेऊन आमसभेला उपस्थित राहण्याचे आमदार डॉक्टर देवरावजी होळी यांचे जनतेला आवाहन
गडचिरोली : २८ एप्रिल २०२२ रोजी धानोरा तालुक्याची वार्षिक आमसभा आमदार डॉक्टर देवराव कोळी यांच्या अध्यक्षतेखाली आयोजित करण्यात आली असून जनतेने आपल्या समस्यांचे लेखी निवेदन सोबत आणून या माध्यमातून आपल्या अडचणी व समस्या सोडविण्यासाठी या वार्षिक आमसभेला आवर्जून उपस्थित राहावे असे आवाहन आमदार डॉक्टर देवराव होळी यांनी जनतेला केले आहे .
या आमसभेमध्ये वनहक्क धारकांचे पट्टे, प्रपत्र ड मधून वगळण्यात आलेल्या घरकुल लाभार्थ्याचे प्रश्न, घरकुल धारकांना ५ ब्रास मोफत रेती, अतिक्रमण धारकांच्या समस्या, शेतकऱ्यांच्या समस्या, अशा विविध विषयांवर चर्चा होणार असून आपल्या समस्यांचे लेखी निवेदन आणून आपल्या समस्यांचे निराकरण या माध्यमातून करावेत असे आवाहन आमदार डॉक्टर देवराव होळी यांनी धानोरा तालुक्यातील जनतेला केले आहे .
