दि.२६.०४.२०२३
आ. डॉ. देवरावजी होळी भुईया परिवारातील ४ अनाथ मुलांच्या शिक्षणाचा खर्च उचलणार
- नवग्राम ता. चामोर्शी येथील स्व. चंद्रशेखर भुईया यांच्या मुलांचे आपल्या आजीकडे वास्तव्य
विदर्भ न्यूज इंडिया
गडचिरोली/ चामोर्शी : नवग्राम येथील चंद्रशेखर भुईया यांचे निधन झाल्यानंतर त्यांची मुले कू.भूमी चंद्रशेखर भुईया वय १८ वर्ष, कु. सुजल चंद्रशेखर भुईया १७ वर्ष, कू.भारती चंद्रशेखर भुईया १५ वर्ष, कू. शीतल चंद्रशेखर भुईया १३वर्ष, ही चारही मुले अनाथ झाल्याने त्यांची वयोवृद्ध आजी (मालती रुपचंद भुईया) त्यांचे पालन पोषण करीत आहे. मात्र त्या आजीचीही परिस्थिती अत्यंत हालाखीची असल्यामुळे त्यांना या चारही मुलांचा खर्च व त्यांच्या शिक्षणाचा खर्च करणे शक्य होत नसल्याची बाब आमदार डॉक्टर देवरावजी होळी यांच्या निदर्शनास येतास त्यांनी तात्काळ या कुटुंबाची भेट घेतली. या चारही मुलांची जबाबदारी घेत त्यांच्या शिक्षणाचा खर्च आपण उचलणार असल्याचे त्यांनी यावेळी सांगितले.
याप्रसंगी चामोर्शी तालुक्याचे भाजपा अध्यक्ष दिलीपजी चलाख, बंगाली आघाडी जिल्हाध्यक्ष सुरेशजी शहा , ज्येष्ठ नेते जयराम चलाख, युमो तालुका अध्यक्ष प्रतीक राठी, युमो तालुका महामंत्री लोमेश सातपुते,यांचेसह प्रमुख पदाधिकारी व कार्यकर्ते उपस्थित होते.
