दि. ०३.०८.२०२३
कोविड काळात सेवा दिलेल्या आरोग्य कर्मचाऱ्यांना पदभरती मध्ये प्राधान्य द्या; आ. डॉ. देवराव होळी यांची विधानसभेत मागणी
विदर्भ न्यूज इंडिया
मुंबई : एम. बी. बी. एस ,बी. ए. एम. एस, नर्सिंग , आरोग्य सेवक तांत्रिक, अतांत्रिक कर्मचारी, तथा सेवा देणारे आरोग्य कर्मचारी यांना शासनाने पुढील पदभरती मध्ये प्राधान्य देण्यात यावे.
कोविड-19 या महामारीच्या काळामध्ये शासनाने तात्पुरत्या स्वरूपात नियुक्ती दिल्यानंतर पूर्ण वेळ सेवेत राहून आपल्या जीवाची पर्वा न करता काम करणाऱ्या आरोग्य विभागातील वैद्यकीय अधिकारी वा कर्मचाऱ्यांना ए एन एम, जी. एन.एम.वा अन्य पुढील पद भरतीमध्ये प्रथम प्राधान्य देऊन सेवेची संधी द्यावी अशी मागणी गडचिरोली विधानसभा क्षेत्राचे आमदार डॉक्टर देवरावजी होळी यांनी विधानसभेत लक्षवेधी प्रश्नावरील चर्चेत सहभागी होऊन केली.
यावेळी ते म्हणाले की,एम बी बी एस ,बी ए एम एस, या वैद्यकीय अधिकाऱ्यांसोबतच नर्सिंग , आरोग्य सेवक तांत्रिक, अतांत्रिक कर्मचारी, तथा सेवा देणारे आरोग्य कर्मचारी असे अनेक कर्मचारी आहेत ज्यांनी त्या काळात सेवा देऊन देखील आता ते सेवेत नाहीत. त्यामुळे या आरोग्य कर्मचाऱ्यांवर मोठे संकट कोसळलेले आहे. त्याचा विचार शासनाने करावा व पुढील काळात त्यांना संधी द्यावी अशी मागणी त्यांनी याप्रसंगी केली. यावेळी मंत्री महोदयांनी पुढील काळामध्ये अशाना संधी देण्यासाठी शासन नक्कीच पुढाकार घेईल असे आश्वासन दिले.
