दि. 04.12.2023
Maharashtra Weather : राज्यात पुढील 24 तासांत मेघगर्जनेसह पावसाची शक्यता, 'या' भागात ऑरेंज अलर्ट.!
Maharashtra Weather Update :
विदर्भ न्यूज इंडिया
बंगालच्या उपसागरात तयार झालेल्या दाबाच्या पट्ट्याचं तीव्र दाब क्षेत्रात रूपांतर झाल्यामुळं त्याचे आता मिचॉन्ग चक्रीवादळात रूपांतर झालं आहे. त्यामुळे 4 डिसेंबर ते 5 डिसेंबरपर्यंत देशभरात मुसळधार पाऊस पडेल, असा अंदाज हवामान विभागानं वर्तवला आहे.
अनेक ठिकाणी पावसाचा ऑरेंज अलर्ट जारी करण्यात आला आहे.
तसेच, बंगालच्या उपसागरात तयार झालेल्या चक्रीवादळाचा परिणामी राज्यातही अवकाळी पावसाची हजेरी पाहायला मिळणार आहे. महाराष्ट्रात पुढील 24 तासांत विजांच्या गडगडाटासह पाऊस पाहायला मिळेल असा अंदाज आयएमडीने वर्तवला आहे.
या भागात ऑरेंज अलर्ट जारी
मिचॉन्ग चक्रीवादळामुळे भारतीय हवामान विभागाने तमिळनाडू, आंध्र प्रदेशच्या किनारपट्टीसाठी ऑरेंज अलर्ट जारी केला असून येत्या 24 तासांत महाराष्ट्रातही पावसाची शक्यता हवामान विभागानं वर्तवली आहे. राज्यात गेल्या अनेक दिवसांपासून अवकाळी पाऊस झाल्यामुळं शेतीचे मोठं नुकसान झालं आहे.
अशातच आता पुन्हा एकदा राज्यात 24 तास पावसाचा इशारा देण्यात आला आल्याने पुन्हा एकदा शेतकरी संकटात सापडण्याची शक्यता आहे. मिचॉन्ग चक्रीवादळामुळे उद्भवलेल्या परिस्थितीचा सामना करण्यासाठी एनडीआरएफने तामिळनाडू, आंध्र प्रदेश आणि पुद्दुचेरीमध्ये 21 पथकं तैनात केल्या आहेत. आठ अतिरिक्त टीम राखीव ठेवण्यात आल्या आहेत.
राज्यात पुढील 24 तासांत मेघगर्जनेसह पाऊस
चक्रीवादळामुळे राज्यात पुढील 24 तास पावसाचा अंदाज हवामान विभागानं वर्तवला आहे. बंगालच्या उपसागरात आज चक्रीवादळ तयार होण्याची शक्यता आहे. बंगालच्या उपसागरात तयार झालेल्या चक्रीवादळाचा परिणामी राज्यातही पाहायला मिळणार आहे. अवकाळी पावसाची हजेरी लावण्याची शक्यता आहे. महाराष्ट्रात पुढील 24 तासांत मेघगर्जनेसह पाऊस पाहायला मिळेल असा अंदाज हवामान विभागाने वर्तवला आहे.
