दि. 25.05.2024
एसटी महामंडळाच्या अहेरी आगाराच्या बसचा अपघात; वाहकासह दोन महिला गंभीर जखमी.!
विदर्भ न्यूज इंडिया
गडचिरोली : Gadchiroli-Accident-STBus नेहमीप्रमाणे प्रवासी घेऊन अहेरीवरून अमरावती करिता निघालेल्या एसटी महामंडळाच्या अहेरी आगाराच्या बसला अपघात झाला असून या अपघातात वाहकासह दोन महिला प्रवाशी गंभीर जखमी झाल्याने त्यांना अहेरी येथील उपजिल्हा रुग्णालयात हलविले आहे.
Gadchiroli-Accident-STBus सदर घटना लगाम ते आष्टी रस्त्यावरील धनुर जवळच्या वनविभागाच्या नाक्याजवळ आज, 25 मे रोजी सकाळी 10 वाजताच्या सुमारास घडली. अहेरी आगाराची एम. एच. 07 सी. 9463 क्रमांकाची बस जवळपास 27 प्रवाशांना घेऊन सकाळी 8.30 वजता अमरावतीकरीता निघाली. Gadchiroli-Accident-STBus अहेरीवरून वर्धा मार्गे ही बस अमरावतीकडे जाते.
अहेरी येथून जवळपास 35 किलोमीटर अंतरावर राष्ट्रीय महामार्गावरील धनुर जवळच्या वनविभाग नाक्याजवळ समोरून येणार्‍या वाहनाला साईड देताना बाजूला खोल भाग असल्याने बस पलटली. Gadchiroli-Accident-STBus या वाहनात चालक पी. आर. मेश्राम आणि वाहक डी. एस. मेश्राम होते. त्यांच्यासोबत जवळपास 27 प्रवासी या वाहनातून प्रवास करत होते. या अपघातात वाहक डी. एस. मेश्राम आणि दोन महिला प्रवाशांना गंभीर दुखापत झाली असून त्यांना रुग्णवाहिकेने अहेरी येथील उपजिल्हा रुग्णालयात उपचारासाठी पाठविण्यात आले आहे. Gadchiroli-Accident-STBus विशेष म्हणजे या बसमध्ये वाहक असलेले डी. एस. मेश्राम यांची मुलगी सुद्धा प्रवासी म्हणून होती. तिला सुद्धा दुखापत झाली आहे.
