दि. १२.०४.२०२३
गोंडवाना विद्यापीठात १५ एप्रिल ला 'अष्टपैलू बाबासाहेब' या विषयावर व्याख्यान
विदर्भ न्यूज इंडिया
गडचिरोली : गोंडवाना विद्यापीठात डॉ. बाबासाहेब आंबेडकर यांच्या १३२ व्या जयंती निमित्य दि. १५ एप्रिल, २०२३ रोजी सकाळी ११.३० वाजता, विद्यापीठ सभागृहात कूलगुरु डॉ. प्रशांत बोकारे यांच्या अध्यक्षतेखाली व्याख्यानाचा कार्यक्रम संपन्न होणार असून सदर कार्यक्रमास प्रमुख वक्ता म्हणून राज्य माहिती आयुक्त नागपूर व औरंगाबाद खंडपीठ राहुल पांडे यांचे "अष्टपैलु बाबासाहेब" या विषयावर व्याख्यान होणार आहे तसेच सदर कार्यक्रमाला विद्यापीठाचे प्र-कुलगुरू डॉ. श्रीराम कावळे यांची प्रमुख उपस्थिती राहणार आहे. या कार्यक्रमाचा लाभ घेण्याचे आवाहन विद्यापीठाचे कुलसचिव डॉ. अनिल हिरेखन यांनी केले आहे.
