दि. १० नोव्हेंबर २०२३
Weather Update : मध्य महाराष्ट्र, कोकण, मराठवाड्यात पाऊसाची शक्यता.!
विदर्भ न्यूज इंडिया
मुंबई : राज्यातील दक्षिण कोकण, दक्षिण मध्य महाराष्ट्र आणि मराठवाड्याच्या काही भागात पुढील दोन दिवस मेघगर्जनेसह हलक्या पावसाची शक्यता आहे. रविवारनंतर कमी दाबाच्या क्षेत्राचा परिणाम कमी होऊन राज्यभरात हवामान कोरडे राहिल, असा अंदाज हवामान विभागाने वर्तविला आहे.
आग्नेय दिशेने येणार्‍या बाष्पयुक्त वार्‍यामुळे दक्षिण महाराष्ट्रात आर्द्रतेत वाढ झाली आहे. त्याचा परिणाम म्हणून पुढील दोन दिवस दक्षिण कोकणातील सिंधुदुर्ग, रत्नागिरी आणि रायगड व गोव्यात मेघगर्जनेसह हलक्या पावसाचा अंदाज आहे. दक्षिण मध्य महाराष्ट्रात कोल्हापूर, सांगली, सातारा, सोलापूर, पुणे, बीड, नगर, धाराशिव आणि लातूर येथे हलक्या पावसाची शक्यता आहे
