दि. ०७ जानेवारी २०२४
विदर्भ न्यूज इंडिया
गडचिरोली : पंतप्रधान नरेंद्र मोदी यांच्या कार्यकाळात झालेल्या विकासकामांची माहिती जनतेपर्यंत पोहचविण्यासाठी आणि योजनांच्या लाभार्थींना यात येणाऱ्या समस्यांचे निराकरण करण्यासाठी गडचिरोली विधानसभा क्षेत्राचे आमदार डॉ. देवराव होळी यांनी सोमवार दि. ८ जानेवारी पासून विकसित भारत संकल्प यात्रा सुरू करणार असल्याची माहिती स्थानिक सर्किट हाऊस येथे आयोजित पत्रकार परिषदेत दिली. मार्कंडा देवस्थान महादेव मार्कडेश्वराचे दर्शन घेऊन यात्रेचा शुभारंभ करण्यात येणार आहे.
महत्त्वपूर्ण योजनाची माहिती, त्याच्या लाभापासून किती नागरिक वेगवेगळ्या कारणांनी वचित राहिले आहेत त्याची कारणमीमांसा व तात्काळ सोडवणूकीचे प्रयत्न यासाठी प्रशासनाशी थेट संवाद राज्य सरकारच्या १९ महत्वाकाक्षी योजनांसह यात प्रधानमंत्री विश्वकर्मा योजना, जल जीवन मिशन योजना, प्रधानमंत्री प्रणाम योजना, कृषी योजना, किसान क्रेडिट कार्ड, प्रधानमंत्री आवास योजना, प्रधानमंत्री उज्वला योजना, अश्या केंद्र सरकारच्या १७ योजना, संदर्भात नागरिकांशी संपर्क व चर्चा करणे. महिला सशक्तीकरण अभियान लोकांपर्यंत पोहोचवणे असे यात्रेचे स्वरूप आहे. या दरम्यान आमदार गडचिरोली विधानसभा क्षेत्रातील सर्व नगरपरिषद, नगरपंचायत आणि पंचायत समिती मध्ये आढावा घेण्यासाठी दर सोमवार व शुक्रवार दोन तास अधिकाऱ्यांसमवेत बैठक करणार आहेत. यातून शासनाच्या योजनांच्या लाभार्थी आणि वंचित यांचेशी संपर्क साधण्याचा प्रयत्न करणार आहेत. पत्रकार परिषदेला भाजपचे ज्येष्ठ नेते बाबुराव कोहळे, लोकसभा समन्वयक प्रमोद पिपरे आणि शेतकरी नेते रमेश भूरसे उपस्थित होते.
