दि. 13 मार्च 2024
मंत्रीमंडळ निर्णय.! कर्मचाऱ्यांचे नियमितीकरण, आशा-पोलिसांच्या पगारात वाढ.!
CM Eknath Shinde :
विदर्भ न्यूज इंडिया
मुबंई : मुख्यमंत्री एकनाथ शिंदे यांच्या अध्यक्षतेखाली आज राज्य मंत्रीमंडळाच्या बैठकीत महत्वाचे निर्णय घेण्यात आले. सह्याद्री अतिथीगृह येथे झालेल्या या मंत्रिमंडळ बैठकीस उपमुख्यमंत्री देवेंद्र फडणवीस, उपमुख्यमंत्री अजित पवार यांचेसह मंत्रिमंडळातील सदस्य उपस्थित होते.
यामध्ये राष्ट्रीय आरोग्य अभियानांतर्गत राज्यातील कार्यरत कंत्राटी कर्मचाऱ्यांपैकी 10 वर्ष व त्यापेक्षा जास्त सेवा झालेल्या कंत्राटी कर्मचाऱ्यांना आरोग्य सेवेतील मंजूर समकक्ष पदांवर सामावून घेण्यास मंत्रिमंडळाच्या बैठकीत मान्यता देण्यात आली. सोबतचं राज्यातील आशा स्वयंसेविकांना राज्य शासनाच्या नि‍धीतून दिल्या जाणाऱ्या 5 हजार रुपयांची वाढ करण्यासही बैठकीत मान्यता देण्यात आली. त्याचप्रमाणे पोलीस पाटलांच्या मानधनात सुद्धा भरीव वाढ करण्यात आली. आता त्यांना देखील मिळणार महिन्याला 15 हजार रुपये. अश्याप्रकारे आदी सुद्धा महत्वाचे निर्णय घेण्यात आलेले आहेत. ते आपण खालील प्रमाणे सविस्तर जाणून घेऊयात...
महाराष्ट्र मंत्रिमंडळाने ब्रिटीश काळात नाव देण्यात आलेल्या मुंबईतील 8 रेल्वे स्थानकांची नावे बदलण्याचा निर्णय घेतला आहे. CM Eknath Shinde याशिवाय उत्तन (भाईंदर) आणि विरार (पालघर) दरम्यान सी लिंक बांधण्यासही मंत्रिमंडळाने मंजुरी दिली आहे.
आठ रेल्वे स्थानकांची नावे बदलण्यास मंत्रिमंडळाची मंजुरी देण्यात आली आहे.
1- करी रोड स्टेशन- लालबाग स्टेशन
2. मुंबई सेंट्रल- नाना जगननाथ शंकर सेठ स्टेशन
3. सैडहस्ट रोड- डोंगरी स्टेशन
4. मरीन लाइन्स- मुम्बा देवी स्टेशन
5. चर्नी रोड- गिरगांव स्टेशन
6. कॉटन ग्रीन- कला चौकी स्टेशन
7. किंग सर्कल- तीर्थकर पार्श्वनाथ स्टेशन
8. डॉकयार्ड स्टेशन- मझगांव स्टेशन
रेल्वे स्थानकांव्यतिरिक्त महाराष्ट्र सरकारने माळवा राज्याच्या पूज्य राणी अहिल्याबाई होळकर यांच्या स्मरणार्थ अहमदनगर जिल्ह्याचे नामकरण पुण्यश्लोक अहिल्यादेवी असे केले आहे. ती तिच्या न्याय्य शासनासाठी प्रसिद्ध होती. महाराष्ट्र मंत्रिमंडळाने जम्मू-काश्मीरमधील श्रीनगर येथे महाराष्ट्र भवन बांधण्यासाठी २.५ एकर जमीन खरेदी करण्यासही मंजुरी दिली आहे. CM Eknath Shinde यासाठीचा अर्थसंकल्पीय प्रस्ताव यापूर्वीच महाराष्ट्र विधानसभेच्या गेल्या अर्थसंकल्पीय अधिवेशनात राज्याच्या अर्थसंकल्पात मांडण्यात आला होता.
याआधी खासदार राहुल शेवाळे यांनी किंग्ज सर्कल स्थानकासह मुंबईतील सात उपनगरीय रेल्वे स्थानकांची नावे बदलून तीर्थंकर पार्श्वनाथ करण्याची विनंती राज्य सरकारकडे केली होती. CM Eknath Shinde या मागणीनंतर मध्य मुंबईतील जैन समाजाने स्थानकाचे नामकरण पूज्य जैन तीर्थंकरांच्या नावावर करण्याच्या योजनेबद्दल समाधान व्यक्त केले आहे. लोकसभा निवडणुकीपूर्वी मुख्यमंत्री एकनाथ शिंदे अनेक मोठे निर्णय घेताना दिसत आहेत.
